🇰🇿 Казахстан vs 🇱🇮 Лихтенштајн (16:00)

Казахстан влегува како петти во групата и досега успеа да оствари само една победа — токму против денешниот противник, кого го совлада на гостински терен со 0:2. Беа поразени на останатите четири меча и имаат слаба реализација со само три постигнати и единаесет примени гола. Губат минимално, освен во претходното коло на гостувањето во Белгија, каде беа поразени со 6:0. Играат дефанзивно против посилни селекции, но денес се очекува да ја преземат иницијативата. Селекторот Али Алиев ќе се потпре на искуството на напаѓачите Самородов и Сатпаев.

Лихтенштајн е последен на табелата без освоен бод и со катастрофална гол-разлика од 0:19. Тимот делува без идеја во напад и многу ранливо во одбрана, со порази како 0–6 од Белгија и 0–5 од Македонија. Единствен адут им е мотивацијата да избегнат уште една катастрофа. Во дуели со слични репрезентации, Лихтенштајн обично игра дефанзивно, но тоа ретко носи резултат.

Предлог: 1 & T1 2+ (Казахстан победува и дава најмалку 2 гола)
Резултат: 3:0 за Казахстан

🇧🇪 Белгија vs 🇲🇰 Македонија (20:45)

Белгија има 10 бодови и се наоѓа на второто место на табелата, со еден бод помалку од денешниот противник, но и натпревар помалку. Имаат импресивна гол-разлика со 17 постигнати и само 4 примени гола. Единственото реми им е токму против денешниот противник, со кого ремизираа 1:1 на гостински терен. На последните натпревари играа моќно и убедливо, со победи како 6–0 против Лихтенштајн и Казахстан. Тренерот Руди Гарсија располага со фантастичен состав — Де Брујне, Доку, Лукаку и Де Кипер се во одлична форма. Средниот ред функционира беспрекорно, а и одбраната засега е на ниво на задачата.

Македонија започна одлично и е вистинско изненадување во квалификациите. Тимот има цврста дефанзива со само два примени гола, а постигна 11. Играат дисциплинирано и добро организирано под водство на Благоја Милевски. После пет одиграни натпревари се на првото место во групата со три победи и две ремија. Ремизираа со главните конкуренти — Белгија и Велс. Миовски и Трајковски со по два гола се најголемата закана во нападот, а Елиф Елмас и Барди го диктираат темпото на игра.

Предлог: GG (Двата тима да дадат гол)
Резултат: 3:1

🇫🇷 Франција vs 🇦🇿 Азербејџан (20:45)

Франција останува една од најимпресивните селекции во квалификациите. Со две победи од два меча и со четири постигнати и еден примен гол, „триколорите“ повторно демонстрираат дисциплина и конзистентност. Победите против Украина (0–2) и Исланд (2–1) ја потврдуваат рамнотежата меѓу офанзива и дефанзива. Мбапе е во врвна форма со два гола и асистенција, а Чуамени и Олиз обезбедуваат контрола во средината. Франција создава многу шанси по крила и има висока реализација од прекини. Иако Дидие Дешамс има неколку повредени играчи, располага со широка клупа и се очекува да го обезбеди првото место во групата.

Азербејџан по две одиграни средби има само еден бод — реми 1:1 со Украина, а во првото коло претрпе тежок пораз 5–0 од Исланд. Играта им зависи од физичкиот интензитет, но ограничениот квалитет на дефанзивците и бавната транзиција се голем проблем. И покрај тоа, знаат да бидат непријатни кога ќе ја затворат средината и играат компактно.

Предлог: 1-1 & T1 3+ (Франција победува прво полувреме и натпревар, дава најмалку 3 гола)
Резултат: 3:0

🇩🇪 Германија vs 🇱🇺 Луксембург (20:45)

Германија е на третото место во групата со 3 освоени бода. Во првото коло непријатно беа изненадени од Словачка (2:0), а потоа победија над Северна Ирска со 3:1. Јулијан Нагелсман го стабилизира тимот и најави промени во системот на игра со поофанзивна улога за младите крила. Клучни фигури остануваат Кимих и Вирц во средниот ред, а Гнабри и Волтемајде во нападот.

Луксембург е без бодови по две одиграни средби и е последен во групата. Претрпе минимален пораз 0–1 од Словачка, а претходно и тежок 1–3 од Северна Ирска. Иако имаат солидна енергија, им недостига организација и искуство против тимови од ваков калибар.

Предлог: 1-1 & T1 3+
Резултат: 4:0

🇮🇸 Исланд vs 🇺🇦 Украина (20:45)

Исланд ја започна кампањата со убедлива победа над Азербејџан (5–0), а потоа тесно загуби од Франција (2–1). Тимот изгледа цврсто и добро организирано, со фокус на брзи офанзивни транзиции и агресивен пресинг дома. Јоханесон и Елертсон се носители на креативноста, додека физичката сила и компактноста во одбрана се нивна традиционална предност.

Украина има нешто послаб старт. Во првото коло беа очекувано надиграни од Франција (0:2), а во второто ремизираа со Азербејџан. Тимот на Серхиј Ребров игра дисциплинирано, но му недостасува креативност во завршницата. Средниот ред со Забарни има контрола, но реализацијата е проблем. Нападот го предводат Судаков и Калјујжни, а во одбраната играат со петмина против побрзи противници.

Предлог: 3+ (Над 2.5 гола)
Резултат: 4:2

🇽🇰 Косово vs 🇸🇮 Словенија (20:45)

Косово ја започна квалификациската фаза со 3 бода по две средби. Во првиот натпревар беа убедливо поразени од Швајцарија (4:0), а потоа на домашен терен ја совладаа Шведска со 2:0. Селектор е Германецот Франко Фода, а клучни играчи во нападот се Ведат Муриќи и Флорент Муслија. Косово дома игра со висок интензитет и тоа може да биде одлучувачки фактор.

Словенија не ја започна групната фаза како што се очекуваше и има само еден бод по две средби. Ремизираа со Шведска (2–2), а потоа беа совладани од Швајцарија (3–0). Иако имаат технички добри играчи како Шешко и Випотник, тимот изгледа без идеја во напад, а одбраната е нестабилна против брзи противници.

Предлог: X (Нерешено)
Резултат: 1:1

🇬🇧 Северна Ирска vs 🇸🇰 Словачка (20:45)

Северна Ирска има 3 бода — победа од 3–1 над Луксембург и пораз 1–3 од Германија. Тимот на Мајкл О’Нил игра директен фудбал со долги топки и е физички одлично подготвен. Ќе имаат голема поддршка од домашната публика во Белфаст, каде атмосферата секогаш е силен адут. Џејми Рид е во одлична форма, но дефанзивната транзиција останува ранлива. За средината на теренот задолжени се Чарлс и Девени, кои постигнаа по еден гол на претходните два меча.

Словачка со максимални 6 бода е лидер во групата. Тимот на Франческо Калцона има исклучителна одбрана — нема примен гол на две средби. Луксембург го совладаа со 0–1, а потоа извојуваа голема победа над Германија со 2–0. Средниот ред е цврст со Лоботка и Беро, додека Давид Стрелец е лидер на нападот. Играат трпеливо и организирано, со висока ефикасност.

Предлог: 3+ (Над 2.5 гола)
Резултат: 1:2

🇸🇪 Шведска vs 🇨🇭 Швајцарија (20:45)

Шведска има само еден бод по две средби — реми со Словенија (2–2) и пораз од Косово (2–0). Под водство на Јон Дал Томасон, тимот е во процес на транзиција со комбинација од искусни и млади фудбалери, но недостасува завршница. Средниот ред е стабилен, а нападот зависи од индивидуалните потези на Александер Исак и Ентони Еланга.

Швајцарија со максимални 6 бода лесно ги совлада Косово (4–0) и Словенија (3–0). Тимот на Мурат Јакин е систематски и дисциплиниран, со одлични ротации и конзистентност. Емболо и Ндое ја предводат офанзивата, а средниот ред со Џака и Фројлер одлично ја диктира динамиката. Одбраната им е стабилна и без примен гол на двата натпревари.

Предлог: GG (Двата тима да дадат гол)
Резултат: 1:2