Hapoel Afula се наоѓа на 14-то место со 13 освоени бодови по 15 одиграни кола и влегува во овој натпревар со нестабилна форма. Гол-разликата 14:28 јасно укажува на сериозни дефанзивни слабости, особено против екипи што играат со повисок ритам и подобра организација во нападот. Тимот често има проблеми во транзиција и дозволува многу простор меѓу линиите, што резултира со примени голови од позициони напади и прекини. На домашен терен Afula има скор од една победа, две ремија и четири порази, со гол-разлика 7:15, што покажува дека ниту домашната публика не носи доволна стабилност. Mizrahi е најистакнат офанзивец, но поддршката од средниот ред е ограничена, па тимот тешко создава континуиран притисок.

Maccabi Herzliya моментално е на 2-ра позиција со 32 бодови и претставува еден од најконстантните тимови во лигата, а имаат ист број бодови како и првиот Maccabi Petah Tikva. Со гол-разлика 27:13, тимот покажува балансирана игра, со силна дефанзивна структура и ефикасен напад. Играат организирано, со трпеливи напади и добра контрола на темпото, а особено се опасни преку крилните позиции. Формата е одлична, без пораз веќе 14 меча и со висока самодоверба, а на гостински терен имаат четири победи, две ремија и само еден пораз, што ги прави една од најдобрите гостински екипи во лигата. Aponza и Ovadia се клучни фигури во нападот и често прават разлика во решавачки моменти.

Hertha Berlin се наоѓа на 7-мо место со 27 освоени бодови и јасно се профилира како екипа со стабилен домашен учинок и добра тактичка структура. Гол-разликата 20:15 укажува на балансиран тим кој знае да го контролира ритамот и резултатот. Играта се базира на организирана дефанзива, сигурен среден ред и рационален напад, без непотребен ризик. На домашен терен тимот има oстварено четири победи, едно реми и три порази, но формата е во нагорна линија, иако потфрлија во последните два меча, претходно имаа седум последователни победи. Клучни фигури во нападот се Schuler и Reese, кои носат директност и завршница, додека тимот како целина покажува дисциплина и зрелост, особено против послаби противници.

Arminia Bielefeld е на 12-то место со 18 бодови и се соочува со сериозни проблеми, особено на гостински терен. Гол-разликата 26:23 делува солидно, но формата е нестабилна, со чести порази и пад на концентрацијата. Немаат победа на последните четири меча, од кои три се порази. На гостински терен имаат само една победа во седум натпревари, со видливи слабости во дефанзивната транзиција и поставеноста под притисок. Играта најчесто се сведува на директни напади и индивидуални решенија, при што Grodowski и Bazee се најопасните офанзивни опции, но без доволна поддршка од средниот ред. Тимот тешко ја контролира играта кога противникот наметнува темпо.

Crewe се наоѓа на 8-мо место со 31 освоен бод по 20 одиграни кола и има солидна позиција во борбата за плејоф. Тимот игра организиран фудбал со јасна структура во средниот ред и добар баланс меѓу напад и одбрана. Гол-разликата 33:27 покажува дека Crewe е способен да создава шанси, но и дека знае да го контролира ритамот кога е во предност. Играта често се темели на посед, со активни влегувања од втор план. Во офанзива најопасни се Tezgel, O’Reilly и March, кои носат директност и завршница, додека средниот ред обезбедува стабилност и континуитет. Формата е променлива, но на домашен терен изгледаат поконзистентно, со пет победи, две ремија и три порази, што укажува на солидна домашна сигурност и тактичка дисциплина.

Bristol Rovers се наоѓаат на 23-то место со само 17 бодови и се во сериозна резултатска криза, и се наоѓаат во зоната на испаѓање. Гол-разликата 15:38 јасно ги истакнува проблемите, особено во дефанзивната организација, каде тимот често прави индивидуални грешки под притисок. Играта се базира на директни топки и обиди за брзи напади, но без доволна поддршка од средниот ред, што резултира со изолирани напаѓачи и мал број чисти шанси. Формата е многу слаба, со 10 последователни порази во лигата и пад на самодовербата. На гостински терен имаат само две победи и дури седум порази во 10 натпревари, со гол-разлика 9:22, што укажува на сериозна ранливост кога се под постојан притисок и без контрола на поседот.

Estoril моментално се наоѓа на 13-то место со 14 освоени бодови и има нестабилна сезона во однос на формата и резултатите. Тимот покажува солиден офанзивен потенцијал, но без доволна конзистентност, што јасно се гледа и преку гол-разликата 22:25. Играта често е отворена, со нагласок на брзи напади и директни решенија, но дефанзивните слабости се изразени, особено против поквалитетни противници. На домашен терен Estoril има две победи, три ремија и два порази, што укажува на одредена конкурентност, но и недостаток на стабилност во клучните моменти. Во нападот најмногу се истакнува Begraoui, додека Carvalho придонесува со креативност и поврзување на линиите, но тимот често го губи интензитетот во второто полувреме.

Braga влегува во овој натпревар како јасен фаворит, позиционирана на 4-то место со 25 бодови и серија од четири последователни победи, а без пораз се веќе седум меча на сите натпреварувања. Тимот има добро избалансирана структура, со цврста дефанзива и ефикасен напад, што се потврдува со гол-разликата 26:12. Играта на Braga се базира на контрола на поседот, брзо префрлање на тежиштето и искористување на индивидуалниот квалитет во завршница. На гостински терен имаат три победи, три ремија и само еден пораз, што зборува за тактичка зрелост и дисциплина. Horta е главна офанзивна закана, додека Zalazar носи динамика, шут од дистанца и клучни додавања од средниот ред.