Dinamo Zagreb е на 23тото место во групата со 7 бодови и тешко се пробива низ европските настапи оваа сезона. Формата е променлива, тимот знае да изгледа стабилно во најдоброто хрватско првенство, но на европска сцена често паѓа под поголем притисок. Дефанзивата примила 10 гола во 5 меча, што ја открива ранливоста против поофанзивни ривали. Beljo и Ljubicic носат најголема закана, но Dinamo има проблем со конзистентност, особено кога е потребно да ја контролира играта. На домашен терен сепак играат поцврсто, со подобра организација и поголем интензитет, но недостасува креативност во завршницата. Мечот доаѓа во момент кога Dinamo бара резултат за да остане конкурентен, што може да започне офанзивно и да остави празнини во одбраната.

Betis е на високо 6то место со 11 бодови и изгледа многу покомплетно во групата. Тимот игра зрело, офанзивно и со добар баланс меѓу линиите. После 5 одиграни меча на ова натпреварување имаат три победи и двапати ремизирано. Antony, Ezzalzouli и Bakambu се офанзивната сила што создава простор и опасност во последната третина. Betis дозволува малку голови и има организирана транзиција која често ги казнува противниците. Формата на гостувања е стабилна, со резултати кои покажуваат зрелост и способност да се адаптираат на различни стилови на игра. Во споредба со денешниот противник, имаат повеќе квалитет во индивидуалната техника и решенија под притисок, што може да биде пресудно во ваков натпревар.

Midtjylland сезоната ја игра одлично и е 2ри на табелата со 12 бодови, со многу стабилен пристап и јасна структура во играта. Домашниот тим игра агресивно и дисциплинирано и со јасно дефинирани улоги, а најголема закана претставуваат Gueho Dju и Diao кои заедно имаат 5 гола и континуирано создаваат проблеми за противничките дефанзиви. Midtjylland на домашен терен изгледа многу силно, има две победи од два меча со гол-разлика 5:1 и висока ефикасност во првиот дел од натпреварите. Инаку на домашен терен немаат пораз веќе 16 меча, вклучувајќи ги сите натпреварувања. Тактички, тимот ретко губи контрола, што може да биде клучно против Genk кој прави пропусти кога противникот ја држи иницијативата. Дефанзивата понекогаш прави грешки, но генерално Midtjylland игра поорганизирано и покомплетно.

Genk влегува во мечот како 9ти на табелата со 10 бодови и се наоѓа во трка за плејоф, иако формата им е променлива. Тимот игра офанзивно, со добар интензитет напред преку Oh Hyeon-Gyu, кој веќе има 3 гола на ова натпреварување и е клучната завршница на белгискиот состав. На гостински терен Genk делува непредвидливо, но успева да создава шанси, особено во транзиција каде најмногу се истакнуваат Heymans и Karetsas. И покрај офанзивниот потенцијал, проблем останува дефанзивната линија, примиле 8 гола во пет мечеви и често паѓаат во организацијата во моменти кога се под притисок. Сепак, екипата има карактер и знае да се врати во меч, што ја прави опасна во дуели како овој.

Nice е на 36тото последно место во групата без освоени бодови и катастрофална форма, што најдобро ја отсликува нивната серија од пет последователни порази во Европа. Тимот постигна само 4 и прими 12 гола, што покажува огромни проблеми и во офанзива и во дефанзива. На домашен терен не успеваат да воспостават контрола, создаваат малку шанси и тешко излегуваат од притисок. Играчите како Carlos, Cho и Moffi се обидуваат да дадат реакција, но тимската игра е бавна, нефункционална и без јасна завршница. Падот во Лига 1 дополнително го нарушува моралот, а слабата реализација ги прави ранливи уште од првата третина. Nice влегува во овој меч со минимална самодоверба и голем психолошки товар.

Braga е на 7то место со 10 бодови и значително поконкурентна форма од својот противник. Тимот има балансиран напад со 9 постигнати гола, а играчи како Navarro, Martinez и Zalazar даваат постојана офанзивна закана. Braga е многу поорганизирана екипа, агресивна во пресинг и смирена во транзиција. На гостувања играат цврсто и дисциплинирано, со јасна стратегија во средината на теренот и остра завршница. Победите против Arouca и Famalicao, како и добрата партија против Rangers, ја одржуваат високата самодоверба. Braga делува стабилно тактички, со поголема брзина, физичка подготвеност и структуриран напад кој создава шанси дури и против дефанзивно поставени противници.

Basel е на 24то место со 6 освоени бодови и влегува во овој дуел со резултати што покажуваат нестабилност, но и знаци на подобрување. Тимот на домашен терен на ова натпреварување изгледа солидно, со две победи и гол-разлика 5:1, што им дава одредена самодоверба пред овој натпревар. Во последните натпревари Basel покажува борбеност, Shaqiri, Otele и Ajeti ја предводат офанзивата, а тимот генерално создава шанси, но одбраната често попушта во клучни моменти. Во првенството и на ова натпреварување се гледа дека Basel може да одигра одлично на периоди, но проблем е константноста и лесно примени голови во транзиција. Дуелот со Villa ќе бара висока дисциплина, бидејќи англискиот тим ја казнува секоја грешка.

Aston Villa е на 3тото место со 12ет бодови и делува многу поконкретно и поорганизирано од својот ривал. Тимот доаѓа во позитивна серија, со убедливи настапи и офанзивна ефикасност предводена од Malen, McGinn и Buendia. Иако во гостинските натпревари имаат една победа и еден пораз, Villa генерално игра со висок интензитет и силна средина која диктира ритам. Последните резултати, особено победите против Arouca и Brighton, покажуваат зрелост и ментална стабилност. Villa успева да ги контролира натпреварите и да создава повеќе шанси од противникот, а во Европа нивниот стил дополнително доаѓа до израз.