Schalke е на 1-вото место, со 34 освоени бодови досега. Тимот игра многу силна сезона и се истакнува со цврста организација и ефикасност, постигнувајќи 20 и примајќи само 8 гола, што ги прави најстабилната дефанзива во лигата. Karaman, Sylla и Kurucay се клучните офанзивни фигури, со добра реализација и физичка доминација во завршницата. Играат дисциплинирано, со контрола на средниот ред и трпелива градба на нападите, а знаат и да го казнат секој простор преку брзи транзиции. Формата е одлична со низа победи во последните кола. На домашен терен Schalke има 7 одиграни натпревари со 6 победи и само 1 пораз и гол-разлика 9:4, што јасно покажува колку се тешки за совладување пред своја публика.

Nurnberg е на 11-тото место, со 19 освоени бодови досега. Тимот има променлива сезона со ограничена офанзивна продукција, постигнувајќи 17 и примајќи 21 гол, што укажува на проблеми во нападот и недоволна конзистентност. Lubach, Zoma и Becker се главните офанзивни опции, но тимот често се мачи во креирањето шанси против добро организирани одбрани. Формата е променлива, со неколку победи, но и убедливи порази во последниот период. На гостински терен имаат 7 одиграни меча со две победи, едно реми и 4 порази и гол-разлика 8:12, што покажува дека имаат потешкотии при игра на гостински терен. Под притисок често паѓа концентрацијата во дефанзивата.

Darmstadt е на 3-тото место, со 29 освоени бодови досега, 5 бода помалку од првиот на табелата, Schalke. Тимот има многу стабилна сезона и е еден од најконзистентните во лигата, постигнувајќи 26 и примајќи само 15 гола, што ја нагласува нивната одлична дефанзивна организација. Во нападот клучни улоги имаат Lidberg, Hornby и Corredor, кои носат директност, физичка сила и добра реализација. Играат дисциплинирано, со јасна структура и добро балансирана игра меѓу линиите, а знаат да го контролираат темпото и преку посед и преку транзиција. Формата е позитивна со повеќе победи во последните кола. На домашен терен Darmstadt е без пораз по 8 одиграни меча, со 5 победи и три ремија и одлична гол-разлика 17:8, што ги прави многу тежок противник на свој терен.

Preussen Munster е на 10-тото место, со 19 освоени бодови досега. Тимот има променлива сезона со солиден борбен карактер, постигнувајќи 21 и примајќи 24 гола, што укажува на одредени дефанзивни слабости, но и солидна офанзива. Batista Meier, Amenyido и Mees се главни офанзивни опции, но тимот често зависи од индивидуални моменти наместо од конзистентна тимска игра. Формата е нестабилна со мешани резултати во последните кола, а на гостински терен имаат ограничен успех. На 7 гостувања имаат две победи и пет порази, со гол-разлика 8:14, што покажува дека тешко одржуваат контрола под подолг притисок. Често се повлекуваат во низок блок и играат на контранапади.

Aberdeen се наоѓа на 6-тото место на табелата со 21 освоен бод и сè уште немаат сигурно место во шампионската група во следната фаза од првенството. Тимот има солидна, но не и конзистентна сезона, со 16 постигнати и 16 примени гола, што укажува на избалансиран, но не доволно стабилен настап. Aberdeen игра цврсто, со нагласена физичка игра и дисциплинирана формација, но често има проблеми во креирањето чисти шанси против дефанзивно ориентирани противници. Lazetic, Auchiche и Karlsson се најопасните офанзивни играчи, но реализацијата знае да варира. Формата е променлива: беа поразени од Strasbourg минатото коло во Конференциската лига, но во лигата немаат пораз веќе 5 меча. На домашен терен имаат 8 одиграни натпревари со две победи, три ремија и три порази, гол-разлика 10:9.

Kilmarnock се наоѓа на 10-тото место со 12 бодови и игра во слаба форма сезонава, со чести пропусти во одбраната. Тимот има постигнато 16, а примено дури 30 гола, што ги прави една од послабите одбрани во лигата. Anderson, Watson и Daniels се главните офанзивни опции, но нападот ретко функционира континуирано. Формата е слаба, немаат победа веќе 9 меча, од кои 7 пати се поразени. На гостински терен имаат 7 одиграни натпревари: еднаш победиле, трипати ремизирале и трипати се поразиле, со гол-разлика 9:15, што укажува на сериозни проблеми при игра на гостински терен. Под притисок, одбраната често прави грешки, особено во второто полувреме.

FC Hermannstadt се наоѓа на 15-тото, предпоследно место со 12 освоени бодови. Тимот има тешка сезона и сериозни проблеми во континуитетот. Досега имаат постигнато 16 гола, а примено 32, што укажува на слаба дефанзивна стабилност и чести падови во концентрацијата, особено против поквалитетни противници. Bus, Chitu и Negut се најистакнатите индивидуалци, но офанзивата често изгледа изолирано и без доволна поддршка од средниот ред. Формата е лоша и немаат победа во лигата веќе 9 меча, од кои 7 порази. На домашен терен имаат 9 одиграни натпревари со само една победа, а 5 пати се поразени, што јасно покажува дека ниту дома не успеваат да наметнат сигурност и контрола.

Univ. Craiova се наоѓа на 4-тото место со 34 бодови и е во борба за самиот врв, односно имаат 5 бода помалку од првиот на табелата, FC Rapid. Тимот игра организирано и дисциплинирано, со добра рамнотежа меѓу напад и одбрана. Имаат постигнато 30, а примено 20 гола, што ги прави еден од најстабилните тимови во лигата. Nsimba, Baiaram и Romanchuk се клучните офанзивни закани, со добра подвижност и ефикасност во завршницата. Craiova знае да ја контролира играта, да наметне темпо и трпеливо да го гради нападот, а воедно е многу опасна и од транзиција. На гостински терен имаат солиден биланс со два порази, 4 ремија и три победи. Минатото коло во Конференциската лига беа поразени од Sparta Prague, а претходно го совладаа Mainz.