Дневни Фудбалски Анализи
28 јануари 2026
Al Wehda
–
Jeddah
💡 Тип:
ГГ (Двата тима да постигнат гол) — Квота: 1.81
Al Wehda со освоени 19 бодови моментално се наоѓа на 14-тото место на табелата и се чини дека нивниот главен приоритет оваа сезона е обезбедување опстанок во лигата. Засега таа цел не е сериозно доведена во прашање, со оглед на тоа што имаат солидна предност од 11 бодови во однос на опасната зона. Во досегашните 18 одиграни натпревари, Al Wehda остварија 5 победи, 4 пати одиграа нерешено и доживеаја 9 порази, што ја отсликува нивната променлива форма. Во офанзивниот дел тимот делува просечно, со 24 постигнати голови, но дефанзивата претставува најголем проблем. Со 33 примени голови, одбраната често покажува слабости и недостиг на стабилност. Најистакнат поединец во тимот е сенегалскиот интернационалец Ablaye Mbengue, кој со 6 голови и 2 асистенции има најголем придонес. Иако на домашен терен редовно постигнуваат погодоци, дефанзивните пропусти се очигледни, бидејќи на последните седум натпревари пред својата публика примија најмалку по еден гол, што останува клучен сегмент за подобрување.
Jeddah се наоѓа во нешто подобра позиција во однос на денешниот противник и со освоени 27 бодови моментално ја држи деветтата позиција на табелата. Доколку успеат да ја подигнат формата во продолжението од сезоната, имаат реални шанси да се вклучат во борбата за плеј-оф натпреварите за пласман во Саудиската Супер лига. Во досегашниот дел од шампионатот, Jeddah остварија 6 победи, 9 пати одиграа нерешено и загубија на 3 натпревари, што укажува на солидна стабилност. Тимот негува претпазлив стил на игра, со акцент на контрола на средината од теренот и постепено градење на нападите. На 18 одиграни натпревари досега постигнаа 21 гол, додека одбраната делува сигурно со само 16 примени погодоци. Најистакнати поединци се Walmerson Garcia Praia и Bonfils-Caleb Bimenyimana, кои со по 4 постигнати голови имаат најголем офанзивен придонес. Формата на гостински терен е охрабрувачка, бидејќи Jeddah нема пораз на последните пет гостувања, со две победи и три нерешени резултати, што може да биде важен фактор во нивните амбиции за повисок пласман.
Дуелите на овие два тима секогаш биле изедначени со мала предност на едниот или другиот тим, со голови на двете страни, па така сметаме дека и на денешниот натпревар нападот на двете екипи ќе биде на високо ниво и дека двата тима ќе постигнат гол на овој натпревар.
Gent U23
–
Beveren
💡 Тип:
3+ (3 или повеќе голови) — Квота: 1.67
Gent U23 со освоени 30 бодови моментално се наоѓаат на осмата позиција на табелата и имаат релативно стабилна сезона. Со оглед на тоа што како втор тим немаат право на пласман во највисокиот ранг на белгискиот фудбал, нивната главна цел останува опстанокот во ова натпреварување, кој засега не е доведен во прашање. Во досегашниот дел од сезоната, Gent U23 одиграа 20 натпревари, на кои остварија 9 победи, 3 нерешени резултати и 8 порази. Формата е во подем, особено ако се земе предвид дека на последните четири натпревари забележаа победи и покажаа значително подобрување кај поголем дел од играчите. Офанзивно, тимот има постигнато 27 голови, додека дефанзивно делува релативно стабилно, со 24 примени погодоци. Најистакнати поединци во тимот се Abubakar Abdullahi со 6 голови и една асистенција, како и El Hadji Seck и Ruslan Vydysh, кои имаат по 5 погодоци и по две асистенции.
Beveren моментално се наоѓаат на првата позиција на табелата со освоени 54 бодови и имаат значителна предност во однос на главните конкуренти, што ги прави едни од најсериозните кандидати за пласман во најсилната белгиска лига. Досегашниот тек на сезоната е импресивен, бидејќи тимот има остварено 17 победи, три нерешени натпревари и сè уште нема доживеано пораз во лигашкото натпреварување. Офанзивно, Beveren прикажува фудбал на високо ниво, со одлична реализација и дури 41 постигнат гол на 20 одиграни натпревари. Истовремено, одбраната функционира беспрекорно и е најдобра во лигата, со само 14 примени голови. Lennart Mertens е клучна фигура во тимот со 11 голови и 7 асистенции, додека Jearl Margaritha исто така има значаен придонес со 5 погодоци и 5 асистенции. На гостински терен, Beveren игра исклучително сигурно, со 7 победи и 2 нерешени исходи на 9 натпревари.
Beveren е неприкосновен во лигата оваа сезона и тие се фаворити и на овој натпревар. Очекуваме офанзивен пристап од страна на двата тима и сметаме дека на овој натпревар ќе бидат постигнати три или повеќе голови.
Tivoli
–
Treasure Beach
💡 Тип:
1 (Победа на Tivoli) — Квота: 1.80
Tivoli со освоени 26 бодови моментално се наоѓа на 6-тата позиција на табелата, место кое носи пласман во плеј-оф натпреварите за највисок пласман и ја прави сезоната засега успешна. На досегашните лигашки натпревари тимот оствари 7 победи, на 5 средби одигра нерешено, додека беше поразен на 7 натпревари, што покажува одредена неконзистентност во формата. Во офанзивниот дел Tivoli создава солиден број шанси, но реализацијата останува најслаб сегмент, бидејќи на 19 одиграни натпревари постигнаа само 20 голови. Одбраната исто така знае да биде ранлива, со 25 примени погодоци сезонава. Тимот се потпира на колективна игра, а поединечно најмногу се истакнаа Anthony Nelson со три голови и Alton Lewis со два погодоци. На домашен терен, по серијата од три победи, следуваа два нерешени натпревари и еден пораз. Во меѓусебните дуели од претходните сезони, Tivoli има забележано две победи против денешниот противник.
Treasure Beach со освоени 19 бодови моментално се наоѓаат на 12-тата позиција на табелата, веднаш над опасната зона, со предност од четири бодови во однос на Harbour View, кој е прв под линијата за опстанок. Тоа јасно покажува дека борбата за избегнување на испаѓањето ќе биде нивен главен приоритет во продолжението на сезоната. На досегашните лигашки натпревари тимот оствари 5 победи, 4 пати одигра нерешено и беше поразен на 8 средби, што укажува на нестабилна форма. Во офанзивниот дел Treasure Beach делуваат просечно, со 24 постигнати голови на 17 натпревари, додека одбраната претставува најслабата алка, со дури 35 примени погодоци. Daniel Hardy со 5 голови и Raheem Porter со 3 погодоци се најистакнатите поединци во тимот досега. На гостински терен, и покрај слабите резултати на стартот од сезоната, формата е подобрена, бидејќи на последните пет гостувања запишаа три победи и два порази, што им дава дополнителен оптимизам.
Tivoli, за да ја задржи својата позиција која ги води во плеј-оф, треба да ја поправи својата игра, особено во нападот. На денешниот натпревар тие се фаворити и сметаме дека ќе ја искористат предноста што играат на свој терен и ќе ги освојат трите бодови на овој натпревар.
Racing Club
–
Rosario Central
💡 Тип:
ГГ (Двата тима да постигнат гол) — Квота: 2.10
Racing Club сезоната ја отворија со пораз на гостувањето кај Gimnasia L.P. со резултат 2:1, по што по првото коло се наоѓаат на 11-тата позиција на табелата. Иако стартот не беше посакуван, амбициите на клубот и оваа сезона остануваат високи. Во претходната сезона Racing беа многу блиску до титулата, но ја испуштија шансата да станат шампиони на Аргентина откако загубија во финалето на пенали против Estudiantes L.P. Позитивен фактор за тимот е тоа што јадрото на составот остана непроменето, што носи континуитет и стабилност во играта. Најмногу се очекува од Santiago Sosa, кој е главен креатор на играта и шансите за гол. Во офанзивата, Tomas Conechny и искусниот Adrian Martínez ќе бидат клучните закани за противничките одбрани и носители на головите во продолжението од сезоната.
Rosario Central сезоната ја започнаа со пораз на домашен терен од Belgrano со резултат 1:2, иако имаа предност по првото полувреме и прикажаа солидна игра во воведниот дел од натпреварот. Овој неуспех не треба премногу да ја наруши нивната самодоверба, со оглед на тоа што минатата сезона изборија пласман во плеј-оф фазата, каде беа елиминирани од идниот шампион Estudiantes уште во осминафиналето. Rosario Central традиционално игра ефикасни и отворени натпревари, што го потврдува и податокот дека на последните пет меѓусебни дуели биле постигнати вкупно 18 голови. Главна ѕвезда и лидер на тимот е Ángel Di María, кој по богата европска кариера се врати во татковината и повторно го облече дресот на Rosario Central, при што веќе го постигна својот прв гол оваа сезона.
Со оглед на тоа што и двата тима загубија на првиот натпревар сезонава, тие на овој ќе ја бараат својата шанса за да дојдат до првите бодови. Очекуваме офанзивен пристап од страна на двата тима, а со оглед на тоа што на првиот натпревар покажаа пропусти во своите одбранбени редови, сметаме дека и двата тима ќе постигнат гол на овој натпревар.
