Lecce по осум одиграни натпревари има само една победа, три ремија и четири порази, што ги држи во долниот дел на табелата. Во минатото коло беа поразени од Udinese со 3:2 на гостински терен, иако покажаа напредок во офанзивната игра. Тимот има постигнато 7, а примено 13 голови, што укажува на проблеми во одбраната. Под водство на Eusebio Di Francesco, нападот предводен од Camarda и Sottil има по еден погодок, додека во средниот ред Konan Ndri е најефикасен со два гола. Coulibaly и Berisha се исто така меѓу стрелците со по еден погодок. На домашен терен Lecce има две ремија и два порази, со гол-разлика 3:6, што дополнително го нагласува падот на формата пред својата публика.

Napoli по осум одиграни натпревари има 6 победи и 2 порази, што го држи во горниот дел од табелата. По поразот од Torino, тимот на Antonio Conte минатото коло оствари важна победа над Inter со 3:1 на домашен терен. Napoli има постигнато 15, а примено 8 голови. Во нападот најефикасни се Hojlund со два постигнати гола и Lorenzo Lucca со еден погодок. Средниот ред е најсилниот дел од тимот – De Bruyne е креатор на играта со 4 гола, Anguissa има 3, а McTominay постигна 2. На гостински терен Napoli има одиграно четири натпревари, со биланс од две победи и две ремија и гол-разлика 6:4.

Atalanta се наоѓа на 8-мото место со 12 освоени бода и останува единствениот тим без пораз оваа сезона. По осум одиграни натпревари имаат две победи и шест ремија, вклучувајќи четири последователни нерешени резултати. Минатото коло одиграа 1:1 против Cremonese на гостински терен. Тимот има постигнато 12, а примено 6 голови, со што се издвојува по цврста одбрана, но ограничена реализација. Под водство на Ivan Juric, во нападот Sulemana и Krstovic имаат по два постигнати гола, а Scamacca еден. Средниот ред е разигран, De Ketelaere има два гола, а Brescianini, Pasalic, Samardzic и Zalewski по еден. На домашен терен Atalanta има една победа и три ремија, со гол-разлика 6:3.

AC Milan се наоѓа на 3-тото место со 17 освоени бода, еден помалку од AS Roma и Napoli. По осум одиграни натпревари, тимот на Massimiliano Allegri има пет победи, две ремија и еден пораз. Milan е без пораз веќе седум меча, но минатото коло ремизираше неочекувано со последнопласираниот Pisa на домашен терен со 2:2. Тимот има постигнато 13, а примено 6 голови. Во нападот најистакнати се Pulisic со четири погодоци и две асистенции, и Leao со три гола. Средниот ред со Fofana, Loftus-Cheek, Modric и Saelemaekers придонесува со по еден погодок и контрола на темпото. На гостински терен Milan е максимално ефикасен со две победи и едно реми, со пет постигнати и ниту еден примен гол.

AS Roma е на 2-рата позиција со 18 освоени бода, исто колку и лидерот Napoli. Тимот на Gian Piero Gasperini по осум одиграни натпревари има шест победи и два порази. По неуспехот против Inter, Roma се врати на победнички пат и во минатото коло го совлада Sassuolo на гостински терен со 0:2. Тимот има постигнато 8, а примено само 3 гола, и ја има најдобра дефанзива во лигата. Во нападот најрасположен е Matias Soule со три погодоци, додека Dovbyk и Dybala имаат по еден. Cristante и Pellegrini се истакнуваат во средниот ред со по еден постигнат гол и стабилна контрола на играта. На домашен терен Roma има две победи и две ремија, со гол-разлика 3:2.

Parma се наоѓа во долниот дел од табелата, на 15-тото место, со само една победа по осум одиграни натпревари. Тимот на Carlos Cuesta има четири ремија и три порази, а минатото коло одигра уште еден натпревар без голови, овојпат против Como на домашен терен. Parma има постигнато само три, а примено седум голови, и има еден од најслабите напади во лигата. Во нападот Pellegrino е најефикасен со два гола, додека Cutrone има еден погодок. Средниот ред со Keita и Bernabe се обидува да донесе креативност, но без конкретен резултат во завршницата. На гостински терен Parma има две ремија и два порази, без постигнат гол и со гол-разлика 0:4, што ја нагласува потребата од поголема офанзивна агресивност.

Como се наоѓа на 6-тото место со 13 освоени бода и без пораз во последните шест натпревари. Тимот на Cesc Fabregas по осум одиграни меча има три победи, четири ремија и еден пораз. По големата победа над Juventus, минатото коло одигра реми без голови против Parma на гостински терен. Como има постигнато 9, а примено 5 голови и важи за еден од најцврстите дефанзивни тимови во лигата. Во нападот Addai и Douvikas имаат по еден погодок, додека во средниот ред се истакнува Nico Paz со 4 гола и 4 асистенции. Perrone е дополнителна поддршка во офанзивата со еден постигнат гол. На домашен терен Como има две победи и две ремија, со гол-разлика 6:2, што ја потврдува нивната стабилност пред своите навивачи.

Verona се наоѓа на 17-тата позиција со само 4 освоени бода, веднаш над зоната на испаѓање. Тимот на Paolo Zanetti по осум одиграни натпревари сè уште е без победа, со биланс од пет ремија и три порази. Во минатото коло одиграа 2:2 со Cagliari на домашен терен, покажувајќи подобра ефикасност во нападот. Verona има постигнато само 4, а примено 11 голови, бројки што јасно го отсликуваат проблемот со дефанзивната стабилност. Најефикасен е Orban со три погодоци, додека Suat Serdar и Gagliardini имаат по еден. Средниот ред и понатаму не создава доволно шанси, што е главна причина за слабата реализација. На гостински терен тимот има две ремија и два порази, сè уште без триумф сезонава.

Juventus е на 8-мата позиција со 12 освоени бода по осум одиграни натпревари. Тимот на Igor Tudor има учинок од три победи, три ремија и два порази, а минатото коло беше минимално поразен од Lazio со 1:0 на гостински терен. Тимот досега има постигнато 9, а примено 8 голови, што укажува на рамнотежа меѓу нападот и одбраната, но и на недостаток на реализација во клучните моменти. Во нападот најистакнат е Vlahovic со два погодоци, додека Conceicao, David и Yildiz имаат по еден постигнат гол. Средниот ред придонесува преку Adzic и Thuram кои имаат по еден погодок, а Locatelli ја предводи креативната фаза на тимот. На домашен терен Juventus е стабилен, со две победи и две ремија од четири меча, постигнувајќи 7 и примајќи 4 гола.

Udinese се наоѓа на 9-тата позиција со 12 освоени бода по осум одиграни натпревари. Тимот на Kosta Runjaic има биланс од три победи, три ремија и два порази. По две последователни ремија, минатото коло дојдоа до важна победа над Lecce со 3:2 на домашен терен. Тимот има постигнато 10, а примено 12 голови, што укажува на солиден напад, но и на ранливост во дефанзивата. Најефикасен е Davis со три погодоци, додека Iker Bravo и Buksa имаат по еден постигнат гол. Средниот ред носи креативност преку Zaniolo, Karlstrom и Arthur Atta, кои исто така се запишаа во листата на стрелци. На гостински терен Udinese има релативно добар учинок, две победи, реми и пораз, со гол-разлика 5:5, што покажува дека се конкурентни и надвор од својот терен.

Bologna се наоѓа на 5-тата позиција со 14 освоени бода по осум одиграни натпревари. Тимот на Vincenzo Italiano игра во одлична форма, веќе пет натпревари е без пораз, со три победи и две ремија. Минатото коло ремизираа со Fiorentina 2:2 на гостински терен, продолжувајќи ја позитивната низа. Досега имаат постигнато 13, а примено 7 голови, што покажува добра рамнотежа меѓу нападот и одбраната. Во нападот, Orsolini е најистакнат со 5 постигнати гола, додека Odgaard, Castro и Cambiaghi имаат по два погодоци. Средниот ред е активен во завршницата, а Holm и Moro имаат по еден постигнат гол и дополнително придонесуваат со креативност. На домашен терен Bologna е максимална, три победи од три меча, со гол-разлика 7:1, што ги прави еден од најсилните домаќини во лигата.

Torino е на 12-тата позиција со 11 освоени бода по осум одиграни натпревари. Тимот на Marco Baroni забележа подем во формата, по победата над Napoli, минатото коло повторно славеше, овојпат против Genoa со 2:1 на домашен терен. Иако тимот е во подем, статистиката покажува дека имаат постигнато 8, а примено дури 14 голови, што укажува на проблеми во дефанзивата. Најефикасен во нападот е Simeone со три погодоци, додека Ngonge и Adams постигнаа по еден. Средниот ред предводен од Nikola Vlasic и Lazaro ја носи креативноста во играта, а дефанзивците Maripan и Coco се запишаа во листата на стрелци со по еден гол. Како гостински тим, Torino има учинок од една победа, едно реми и два порази, со гол-разлика 5:10, што укажува дека тимот често влегува во отворени натпревари надвор од својот терен.

Genoa се наоѓа на последното, 20-то место со само 3 освоени бода по осум одиграни натпревари и сè уште без победа оваа сезона. Тимот на Patrick Vieira има три ремија и пет порази, а по ремито со Parma, минатото коло беше поразен од Torino со 2:1 на гостински терен. Genoa има постигнато само 4, а примено 11 голови, што ја прави една од најнеефикасните екипи во лигата. Во нападот Ekhator и Ekuban имаат постигнато по еден гол, додека во средниот ред Ellertsson и Thorsby се запишаа по еднаш во листата на стрелци и заедно со Malinovskyi се обидуваат да донесат креативност во играта. Како домашен тим, Genoa одигра четири натпревари без постигнат гол, со две ремија и два порази, и примени четири гола, што укажува на сериозна криза во завршницата.

Cremonese е на 11-тата позиција со 11 освоени бода по осум одиграни натпревари. Тимот на Davide Nicola игра солидно, но нерешените резултати ја кочат екипата, во последните пет меча имаат четири ремија и еден пораз. Минатото коло ремизираа со Atalanta 1:1 на домашен терен, покажувајќи добра борбеност против ривал без пораз. Досега имаат постигнато 9, а примено 10 голови, што укажува на релативно балансирана игра меѓу нападот и одбраната. Во офанзивата Bonazzoli е најистакнат со два погодоци, додека De Luca и Vardy имаат по еден. Средниот ред е активен, Terracciano постигна два гола, Vazquez има еден погодок и асистенција, а Vandeputte е клучен креатор со веќе три асистенции. На гостински терен Cremonese има една победа, две ремија и еден пораз, со гол-разлика 4:6, резултати што ја потврдуваат нивната цврстина, но и потребата за поголема офанзивна ефикасност.

Inter се наоѓа на 4-тото место со 15 освоени бода, три помалку од водечкиот Napoli. По осум одиграни натпревари, тимот на Cristian Chivu има пет победи и три порази. По серијата од четири последователни победи, минатото коло беше запрен со пораз од Napoli 3:1 на гостински терен. Inter има еден од најефикасните напади во лигата со 19 постигнати голови, но одбраната је под притисок со 11 примени. Во офанзивата блеска триото Thuram, Martinez и Bonny, сите со по три погодоци. Во средниот ред Calhanoglu се истакнува со три гола, а Barella со еден погодок и две асистенции придонесува за динамичноста на играта. Sucic и Carlos се важни за градењето на нападите и одржувањето на поседот. На гостински терен, Inter има две победи и два порази, со гол-разлика 7:7, показател дека тимот игра офанзивно, но често ризикува дефанзивно.

Fiorentina се наоѓа на 18-тата позиција со само 4 освоени бода и моментално е во зоната на испаѓање. По осум одиграни натпревари, тимот на Stefano Pioli сè уште чека на првата победа сезонава, има четири ремија и четири порази. По двата последователни порази, во последното коло успеаја да освојат бод во ремито против Bologna 2:2. Тимот има постигнато 8, а примено 12 голови, што ја открива нестабилноста вo одбраната. Во нападот Moise Kean е најдобар стрелец со два погодоци, додека Gudmundsson има еден гол и една асистенција. Средниот ред е најконстантен дел од екипата, Mandragora има два гола, а Gosens ефикасно се приклучува напред со еден погодок. На гостински терен Fiorentina одигра четири меча без победа, со три ремија и еден пораз, постигнувајќи само два, а примајќи три голови, што покажува дека тимот тешко реализира шанси и мора да пронајде поофанзивен баланс за да избегне натамошен пад на табелата.

Cagliari се наоѓа на 14-тата позиција со 9 освоени бода по осум одиграни натпревари. Тимот на Fabio Pisacane има две победи, три ремија и четири порази, но веќе четири кола е без триумф. Минатото коло одиграа нерешено со Verona 2:2, покажувајќи карактер, но и слабости во дефанзивата. Досега имаат постигнато 8, а примиле 10 голови. Во нападот Belotti е најпродуктивен со два гола, додека Borrelli има еден погодок. Средниот ред е активен дел од тимот, Felici има два гола, а Gaetano и Palestra се важни за креативниот дел на играта. Интересно, тројца дефанзивци се запишале во листата на стрелците, што укажува на добра вклученост на бековите и централните дефанзивци при прекини. Како домаќини, Cagliari имаат една победа, едно реми и два порази, со гол-разлика 3:5, резултати кои покажуваат дека мора да ја зацврстат одбраната за да почнат да освојуваат повеќе бодови на свој терен.

Sassuolo се наоѓа на 13-тата позиција со 10 освоени бода по осум одиграни натпревари. Екипата на Fabio Grosso има три победи, едно реми и четири порази, а серијата без пораз од три меча ја прекина минатото коло со минимален пораз 0:1 од AS Roma. Тимот има постигнато 8, а примено 9 голови, што покажува релативно избалансирана игра, но со недоволна реализација во клучните моменти. Во нападот Pinamonti е најистакнат стрелец со два гола, додека Fadera, Cheddira и Berardi имаат по еден погодок. Средниот ред е главниот извор на креативност, Iannoni, Kone и Lauriente не само што се активни во конструкцијата на нападите, туку и самите се запишале во листата на стрелците. На гостински терен Sassuolo одигра четири натпревари со скор од една победа, едно реми и два порази, при што постигна четири, а прими пет гола. Тимот има потенцијал за повеќе, но му недостига стабилност и прецизност во завршницата.

Pisa се наоѓа во долниот дел од табелата, на 19-тото место со само 4 освоени бода по осум одиграни натпревари. Екипата на Alberto Gilardino сè уште нема вкусено победа оваа сезона, со биланс од четири ремија и четири порази. Сепак, минатото коло успеа да освои значаен бод, ремизирајќи со фаворитот AC Milan на гостински терен со резултат 2:2 — резултат што може да биде поттик за подигнување на самодовербата. Pisa има постигнато 5, а примено 12 голови, што ја нагласува потребата од подобра дефанзивна организација. Во нападот Nzola е најистакнат со два гола, додека во средниот ред Lorran и Cuadrado се покажаа како клучни фигури, секој со по еден погодок. На домашен терен Pisa има одиграно четири натпревари, од кои два завршиле без победник, а два со пораз. Тимот прикажува борбен дух, но за излез од кризата ќе мора да најде поефикасен начин за реализација и поголема дефанзивна стабилност.

Lazio се наоѓа на 10-тата позиција со 11 освоени бода по осум одиграни натпревари. Екипата на Maurizio Sarri бележи стабилизација на формата, на последните четири меча е непоразена, а минатото коло го совладаа Juventus со минимални 1:0 на домашен терен. Тимот има постигнато 11 и примено 7 голови, што укажува на добра рамнотежа помеѓу нападот и одбраната. Cancellieri е најистакнат стрелец со три погодоци, додека Castellanos и Dia имаат по еден погодок. Средниот ред е особено продуктивен, Zaccagni има два гола, а Guendouzi, Cataldi и Basic се запишале по еднаш во листата на стрелците, придонесувајќи со динамична и креативна игра. На гостински терен Lazio има одиграно четири натпревари, со биланс од една победа, едно реми и два порази, постигнувајќи и примајќи по три гола. Тимот изгледа стабилно и доколку ја задржи оваа форма, може да се приклучи кон горниот дел од табелата.