Hapoel Tel Aviv влегува во овој натпревар како јасен фаворит, особено поради силниот домашен учинок и стабилната форма во последните кола. Тимот е на 5-то место на табелата, а на домашен терен има 6 победи и само 1 пораз, по 7 одиграни меча, со гол-разлика 14:6, што јасно покажува контрола во играта и сигурност во дефанзивата. Играта се базира на организиран посед, трпелива изградба на нападите и силен притисок во средниот блок. Во офанзива, клучна улога имаат Turiel и Alkonis, кои носат директност и креативност. Тимот ретко му дозволува на противникот да ја контролира играта на свој терен и обично уште на почетокот ја презема иницијативата, што му овозможува контрола на ритамот и резултатот.

Maccabi Bnei Raina се наоѓа во сериозна резултатска криза и моментално е на дното на табелата, со само 4 освоени бода по 14 кола. Досега имаат остварено само една победа, едно реми и дури 12 порази. На гостински терен имаат само една победа и петпати се поразени, со гол-разлика 4:13, што укажува на слаба организација и недостиг на офанзивна моќ. Тимот најчесто игра со ниска дефанзивна линија и се обидува да преживее преку долги топки и изолирани контри, но без доволна поддршка од средниот ред. Sefer и Ze Turbo се меѓу поактивните поединци, но нивниот придонес е ограничен поради слабата колективна структура. Под постојан притисок, одбраната често прави грешки, особено против технички и дисциплинирани екипи.

IMT Novi Beograd се наоѓа во долниот дел од табелата, односно на 13-то место со 19 бода, и сезоната ја игра со големи осцилации во формата. Тимот има проблеми и во дефанзива и во контрола на ритамот, што се гледа од негативната гол-разлика 21:38 и честите порази против екипи од горниот дел на табелата. Немаат победа веќе 6 меча и играта најчесто се базира на дефанзива и обиди за брзи контри, но без доволна константност и квалитет во завршницата. Novicic е најконкретната офанзивна опција, додека Karamoko се обидува да внесе динамика меѓу линиите, но поддршката од средниот ред често изостанува. На домашен терен нема стабилност и тешко се справуваат кога се под постојан притисок, и по 9 одиграни меча имаат остварено три победи, две ремија и 4 порази.

Partizan влегува во натпреварот како убедливо најквалитетна екипа во лигата и лидер на табелата со 46 бода и веќе 4 бода повеќе од Crvena zvezda, со силен континуитет во резултатите, особено на гостински терен. Тимот игра организирано, со висок посед, агресивен пресинг и брза циркулација на топката. Milosevic е главна голгетерска закана и одлично ја користи секоја слабост во противничката одбрана, додека Kostic и Natcho носат креативност, визија и контрола во средниот ред. Дефанзивно делуваат цврсто и ретко дозволуваат лесни голови. Формата на гостински терен е одлична, со серија победи и сигурни настапи, што дополнително ја нагласува разликата во квалитет меѓу двата тима.

Nijmegen влегува во овој натпревар со многу стабилна форма и високо ниво на самодоверба, особено на домашен терен. Тимот се наоѓа во горниот дел од табелата, на 4-то место, и има само еден бод помалку од денешниот противник. Имаат офанзивен стил на игра со висок интензитет, што се гледа и преку постигнатите 41 гол во 16 кола. Играта е динамична, со брзи транзиции и силна поддршка од средниот ред кон нападот. Посебно се истакнуваат Shiozaki и Ogawa, кои се носители на нападот и постојано создаваат притисок врз противничката одбрана. Nijmegen знае да го наметне темпото на домашен терен, игра храбро и не се повлекува дури ни против фаворизирани противници, што го прави незгоден ривал.

Ajax, иако традиционално фаворит, оваа сезона има поинаква слика, со одредени осцилации во формата, а тоа особено се чувствува на гостински терен. Тимот е силен во нападот и располага со индивидуален квалитет, предводен од Godts, Weghorst и Gloukh, но дефанзивната линија знае да биде ранлива под притисок. Формата е солидна, со серија победи, но повеќето од нив доаѓаат против екипи со послаб квалитет. На гостински терен Ajax често прави пропусти во дефанзивата, што може да биде проблем против организиран и мотивиран домаќин како Nijmegen. Натпреварот бара трпение и контрола, нешто што Ajax не секогаш успешно го одржува на гостински терен.